Matagumpay na
naisagawa ang Adopt- A-River Activity noong ika-siyam ng Agosto ng mga
mag-aaral ng Abuleg Elementary School sa Brgy. Abuleg, Dinalungan, Aurora. Ito ay pinangunahan ng mga officers ng Save
the Children at dinaluhan ng mga guro at mag-aaral mula sa ika-apat hanggang
ika-anim na baitang.
Layunin ng
Adopt-a-River Activity na malinis ang ilog malapit sa eskwelahan at maipakita
sa buong barangay na kahit ang mga bata ay mayroong malasakit at mayroon silang
magagawa upang matulungan ang komunidad sa pagpapanatili ng kalinisan.
Kanya-kanyang
bitbit ng mga gamit panlinis ang mga bata at sila ay sama-sama at
nagtulong-tulong sa paggagamas at pamumulot ng mga plastic na nagkalat sa
paligid ng ilog.
Comments
Post a Comment