Huwag nang iboto
ang Political Dynasty ito ang pinahayag ni Bishop Pabillo ng Archdiocese of
Manila sa isang ginanap na Misa kahapon Abril 22 sa Malate, Manila na dinaluhan ng
mahigit 170 Magsasaka, mangingisda at katutubo ng Casiguran, Aurora na apektado
ng proyektong Aurora Pacific Economic Zone and Freeport Authority sa Casiguran.
Sa Homily sinabi
ng Obispo ang epekto ng Political Dynasty sa lalawigan ng Aurora ay ang
pagkakalikha ng batas apeco na hindi dumaan sa tamang proseso ang pagsasabatas
na hayagang sumisikil umano sa karapatang ng mga taga Casiguran at paglustay
nito sa buwis ng mamamayang Pilipino.
“Ang apeco ay
magreresulta ng pagkasira ng kalikasan at pagtataboy sa mga katutubo na siyang
nangangalaga sa gubat at dagat na panirahan ng mga katutubo na siyang tunay na nagmamay-ari ng mahigit
11,000 ektaryang bundok at karagatan sa Barangay Cozo at San Ildefonso bilang
kanilang lupaing ninuno”,
dagdag pa ni Obispo Pabillo.
“Ngayon ay ipinagdiriwang ang earth day na ipinanawagan ng simbahan ang patuloy at mas mapagpahalagang pangangalaga sa inang- kalikasan at sa mundong ating tahanan”, sabi pa ni Bishop Pabllo.
Nakiusap si
Bishop Pabillo sa lahat ng botante, sa nalalapit na election, huwag nang iboto
ang politikong kabilang sa Politikal Dynasty lalo na sa lalawigan ng Aurora.
Comments
Post a Comment