“Makialam,
magsumbong, bawal ang epal dito” ito ang kampanya ng DSWD para sa darating na
halalan dahil sa pagdami umano ng reklamo sa nasabing ahensya.
Ayon kay
Jocelyn dela Tonga, Social Welfare Officer III ng DSWD at Provincial Link ng
4P’s sa Aurora, ginagamit umano ng mga kumakandidato sa pulitika ang programang
4P’s o Pantawid Pamilyang Pilipino Program ng DSWD kung saan ang politikong
kumakandidato ang animo’y nagpatupad ng programa na nagbubunga ng pagbabanta sa
mga miyembro o benepisiyaryo ng programang 4P’s kung sakaling hindi nila
susuportahan ang kandidato.
Sinasamantala
umano ito ng ilang partikular na politiko dahil na rin sa dami ng bilang ng
kasapi nito na humigit kumulang 7, 832 sa 7 bayan sa lalawigan ng Aurora, Ayon
pa kay dela Tonga.
Layunin ng ahensya na imulat ang mga
benepisyaryo at miyembro nito na malaman ang pamamaraan ng tamang pagpili ng benipisyaryo
at tamang proseso ng pagtanggal ng miyembro at hindi sa kadahilanang may
kapangyarihan ang isang kumakandidato para manipulahin ang mga beneficiary record
o maging ang mga kasapi nito.
Comments
Post a Comment