Sinampahan na ng
pormal na reklamo ang isang re-electionist mayor sa Bayan ng Dingalan,
Aurora noong Huwebes Abril 18, 2013 ng umaga, sa tanggapan ni Director Esmiralda-Ladra ng Law
Department ng COMELEC sa Intramuros Manila.
Ito ay matapos
umanong gamitin ng naturang elected official ang sasakyan ng gobyerno sa
pagkakabit nito ng campaign materials sa bayan na kanyang pinaglilingkuran.
Sa naturang
complaint na inindorso ng Parish Pastoral Council For Responsible Voting, kasama
dito ang mga larawan na nagpapatunay ng paglabag na nasasaad naman sa
Article 22 ng Omnibus Election Code Sec. O no. 3. Na hindi dapat gamitin ng
sinuman ang sasakyan ng pamahalaan kahit na ang kandidato ay isang
re-electionist.
Ayon kay Director
Maria Victoria Dulcero Acting Assistant Director COMELEC Manila,
nararapat umanong magsampa ng agarang reklamo sa Law Department ang
mga mamayang nakakakita ng mga paglabag ng mga kandidato sa halalan.
Ayon pa sa
COMELEC official, mas mabilis ang action ng Law department dahil may
direktiba umano sa mga ito na madaliin ang lahat ng kaso na isasampa sa kanila.
Sa paliwanag pa
ni Dulcero, malaki umano ang tsansa sa disqualification ng mga kandidatong
gagamit ng government vehicles lalo pa’t may maipapakitang mga larawan at video
at mga testimonya ng mga saksi sa ganitong paglabag.
Comments
Post a Comment