“No to APECO”, Huwag
iboto ang Political Dynasty” partikular sa lalawigan ng Aurora, ito ang panawagang
bitbit ng mga magsasaka, mangingisda at katutubo ng Casiguran, Aurora na
apektado ng proyektong apeco, sa kanilang paglalakbay sa buong rehiyon 3.
Ayon sa grupo ang
kanilang paglalakbay ay para muling iparating kay Pangulong Benigno Aquino III ang
nabigo umano nitong pangako na muling pag-aaral ang Batas apeco noong
nakaaraang taong 2012.
Ang kanilang
paglalakbay ay magpapatuloy hanggan sa ika-2 ng Mayo 2013, ito ay nagsimula
noong ika-16 ng Abril mula sa Bayang ng Casiguran, Aurora, at ngyon ay nasa
kamaynilaan na ang grupo, ngayong araw (April 22) sila ay magtutungo sa tanggapan ng
Department of Agrarian Reform sa National.
Layunin nitong
maiparating sa mga ahensya ng pamahalaan ang kanilang kahilingang ipawalang
bisa ang Batas APECO o Aurora Pacific Economic Zone and Freeport Authority.
Marami umanong probisyon sa Philippines Constitution ang nilalabag ng
batas apeco (RA 10083). Paglabag umano nito sa Local Government Code,
Indigenous People’s Right Act, CARPER Law, batas sa Kalikasan, batas laban sa
pandarambong at korapsyon.
Comments
Post a Comment