Nagplanking sa gitna ng kalsada sa harapan ng Korte Suprema sa Lungsod ng
Baguio ang mahigit 170 magsasaka, mangingisda at katutubo mula sa Bayan ng Casiguran
noong Miyerkules, Abril 17, 2013 bilang protesta upang ipakita sa mga Justices
ng Korte Suprema ang kanilang kahilingan.
Hiling ng
grupo ang mabilis at patas na pagdinig sa petisyong inihain ng mahigit 300
mamamayan ng Casiguran noong 2011 laban sa Proyektong ASEZA/APECO o Aurora
Special Economic Zone sa ilalim ng Republic Act 9490 at inamiyendahan ito
bilang Aurora Pacipic Economic Zone and Freeport Authority sa ilalim naman ng
Republic Act 10083.
Nilalabag umano
ng Batas APECO (RA 10083) ang Local Government Code, ang paglabag nito sa Indigenous
People’s Rights Act, gayon din ang paglabag nito umano sa Agriculture and
Fisheries Modernization Act, at sa CARPER law.
Hindi umano
mananahimik ang mga taong apektado ng proyektong APECO hanggat hindi sila nabibigyan
ng katarungan at karapatang.
Ang kanilang paglalabay ay magtatagal ng 18 araw
simula noong Martes hanggan sa ika-3 ng Mayo 2013, iikutin nito ang buong
rehiyon 3.
Comments
Post a Comment