LALONG lumakas ang
senatorial bid ni dating Las Pinas Rep. Cynthia Villar makaraang siya’y
iendorso ng Catholic Conscience Vote Phils. (CCVP), isang instrument
ng pro-life, pro-family charismatic communities at organizations.
Sa isang
pagpupulong, sinabi ni CCVP Secretary-General Antonio Ag. Medina na
napagkasunduan nilang suportahan ang kandidatura ni Villar dahil sa
paninindigan nitong itaguyod ang buhay ng tao at pangalagaan ang pamilya.
Nang
magsilbi siyang kongresista sa loob ng siyam na taon, sinuportahan ni Villar ang
pagpasa sa mahahalagang panukalang batas para protektahan ang
interes at kapakanan ng pamilya at mga miyembro nito.
Sa
pagsuporta kay Villar na kumakandidato sa pagka-senador sa ilalim ng
Nacionalista Party-Team PNoy, binanggit ni Medina ang “NO Vote” ng asawa nitong
si Senator Manny Villar na sinalungat ang pagpasa sa Reproductive
Health bill sa Senado.
Ipinahayag
din niya na ang mag-asawang Villar ay matagal nang kasapi ng Couple’s For
Christ (CFC) kung saan aktibo ang mga ito sa pagsuporta sa ahikain ng naturang organisasyon.
Binuo ang
CCVP, na may 600 allied Catholic communities at organizations sa buong
kapuluan, upang tulungan ang pro-life and pro-family candidates upang manalo sa
halalan.
“Bagama’t
mayroong tinatawag na ‘command votes’ mula sa El Shaddai ni Brother
Mike Velarde, Kingdom of Jesus Christ ni Apollo Quiboloy, Jesus Is Lord ni
Brother Eddie Villanueva at Iglesia Ni Cristo, namumuo na ang Catholic vote
dahil sa RH issue,” ani Medina.
Ang CCVP
ay binuo bilang tugon sa January 28, 2013 pastoral letter ng Catholic
Bishops Conference of the Philippines (CBCP) na nanawagan para sa "circles
of discernment” upang kilatisin ang sinseridad, kalidad at kakayahan
sa pamumuno ng mga lider na ihahalal.
Naniniwala
ang CCVP na para sa mga “spiritually mature,” ang public office ay isang
pagkakataon para makapaglingkod. Ang opisinang ito at ang mga taong kanilang
pinaglilingkuran ang maglalapit sa kanila sa langit.. “Mahalin sila sa pagboto
sa kanila,” sabi pa ng CCVP.
Subalit para
sa “spiritually immature,” ang public office ay okasyon para sa
kasalanan. Ang opisinang ito at ang taong kanilang pinaglilingkuran
ang magdadala sa kanila sa kasamaan.. “Mahalin sila sa pamamagitan ng hindi
pagboto sa kanila,” dagdag pa ng charismatic group.
Bukod kay Villar, ieendorso
rin ng CCVP ang kandidatura nina reelectionist Senators Aquilino “Koko”
Pimentel III at Antonio Trillanes IV. Ang mga ito ay
nauna nang inindorso ng White Vote Movement na pinangunahan ng El Shaddai.
Susuportahan
din ng CCVP sina senatoriables JC delos Reyes, Lito David at Mar Llasos,
tumatakbo sa ilalim ng Kapatiran, na pinaniniwalaan ng CCVP na tanging partido
pulitikal na may plataporma at programa na naaayon sa pangaral ng Simbahang
Katolika.
Opisyal na
iproproklama ng CCVP ang kanilang suportadong senatorial bets sa
April 28, 2013 sa pagpupulong ng may 6,000 lider ng “Soldiers of
Christ, Servant Communities at ibang member organizations sa Maypajo, Caloocan
City.
Ang mga
opisyal ng CCVP ay sila Bert Alba, Chairman; Antonio Medina, Secretary-General;
Nestor Camacho, Deputy Secretary General; Ricky Presa, head ng
Council of the Laity, Diocese of Paranaque; Bro. Alberto “Ting” Arcadio,
National Head Servant Soldiers of Christ at Fr. Leonardo Polinar, National
Shepherd Servant Coomunites; Fr. Melvin Castro at Bishop Jose
Colin Bagaporo, spiritual advisers; retired Supreme Court Justice Leonardo
Quisumbing, legal adviser; Lawyer Alonso Tinagan, Prof. Carmelio Cajayon, Jing
Mendoza at Feloryn Delavin, Directors.
Ang CCVP ay
kinabibilangan ng mga sumusunod: Soldiers of Christ, Servants Communities,
Transparochial Catholic Charismatic Alliance, Love’s Flock, Knights of Columbus
Paranaque, Knights of Columbus Aklan, Catholic Vote Alliance, Unlad Kapanalig,
Kawal ni Kristo (Bulacan Province) at Lunda Luntiang Daigdig.
Inaasahang
makapagbibigay ang CCVP ng hindi bababa sa 1.7 million votes.
Comments
Post a Comment