Matagumpay na ipinagdiwang ng mahigit 400 katao ang araw ng
paggawa kahapon sa Municipal compound ng Bayan ng Dipaculao, Aurora na
pinagunahan ng Multi-Sectoral Action Group of Aurora at Bikaryato ng
Valley-Ding.
Ang programa ay naglalayong maipaunawa sa mga
mamamayan ang kalalagayan ng mga manggagawa gayundin ang mga karapatan at
benipisyong nauukol sa kanila.
Ang
nagging paksa ay “Manggagawa at Magsasaka
113 taon ng Pakikibaka! Wakasan ang kahirapan! Isulong ang Malinis na Halalan”.
Alas otso nagsimula ang naturang programa na sinimulan ng
isang Banal na Misa sa Parokya ni Santa Teresita ng Batang si Jesus sa
Dipaculao at pinangunahan ni Rev. Fr. Nilvon Co Villanueva ang Banal na
pagdiriwang.
Sa humiliya sinabi ni Fr. Villanueva dapat ikarangal ang mga
manggagawa, dahil ang manggagawa ang katuwang sa pagbuo ng ating pagkatao at
sarili. Ang kahirapan ay dahil malayo ang puso ng tao sa Diyos.
Naging panauhing tagapagsalita sina Antonio Muctuc Jr. ng
Department of Labor and Employment (DOLE), Arnold Gallardo ng Justice and Peace
Action Group of Aurora (JPAG), at si Nilo Serrano mula naman sa Panlalawigang
Alyansa ng Magsasaka sa Aurora (PAMANA).
Ayon sa datus na inilahad ni Gallardo mula taong 2012 hanggan
sa kasalukuyan naitala umano ang pinaka maraming mahihirap sa Bansa dahil sa
pag-iral ng contractualization sa mga pabrika, pagsasapribado ng mga serbisyong
publiko katulad ng sa pangkalusugan,
ganoon din ang paglobo ng child labor. Hindi na umano sapat ang minimum
wage dahil sa patuloy na pagtaas sa presyo ng bilihin.
Nilahad naman ni Serrano ang kalalagayan ng mga lokal na
manggagawang bukid sa Aurora, hindi umano uunlad ang magsasaka hanggat hindi
tumataas ang presyo ng mga produkto katulad ng niyog na pangunahing produkto sa
lalawigan habang patuloy naman ang pagtaas ng presyo ng mga pangunahing
pangangailangan ng magsasaka.
Samantala, nagsagawa ng CARAVAN sa buong central Aurora ang mga progrisibong
Party-list kasabay ng paggunita sa araw
ng Paggawa kahapon.
Nagsimula
ang caravan ala una ng hapon sa Bayan ng Dipaculao, umikot ito sa bayan ng
Baler, San Luis at bayan ng Maria Aurora, Aurora.
Comments
Post a Comment