MATAGUMPAY ANG ISINAGAWANG FTS NG PCOS SA BAYAN NG SAN LUIS

Matagumpay at halos perpekto na naisagawa nitong lunes ang Final Testing and Sealing ng 7 Precinct Count Optical Scan o PCOS machine sa 3 designated precinct sa Bayan ng San Luis, Aurora.

Ang Final Testing and Sealing ay pangunguna ng Board of Election Inspector, Poll Clerk, Parish Pastoral Council for Responsible Voting (PPCRV) at mga kinatawan ng bawat partido.

Sa isinagawang testing sa nasabing Bayan, matapos ishade ng mga partisipante ay isa isang ipinasok sa makina ng BEI ang mga hawak nilang mga identification security key gayundin ang hawak na pin code ng poll clerk at BEI member na higit may 10 balota at may habang halos 2 piye na ginamit sa bawat PCOS machine, kung saan bawat tinatanggap ng balota ay rumerehistro sa LCD na may mga katagang “CONGRATULATIONS”.

Matapos ang Final Testing sa nasabing makina, sinilyuhan iton at isinara, muli lamang itong bubuksan sa araw ng mismong halalan sa darating na Mayo 13.

At para sa kasiguraduhan ng mga makina nagtalaga naman si PSI Dexter Thomson OIC ng San Luis PNP ng mga tauhan nito na magbabantay sa mga eskwelahan na kinaroroonan ng mga nasabing makina upang makasiguro na hindi ito magagalaw ng kahit sino, hanggang sa takdang araw ng halalan.