MGA GURO MULING NAGSANAY - Baler, Aurora

Nagsagawa kahapo (May 20) ng isang malawakang pag-sasanay ang kagawaran ng Edukasyon, Dibisyon ng Aurora para sa lahat ng guro sa ikalawang baitang sa Elementarya sa buong Lalawigan.

Kaugnay ito ng implementasyon ng K-12 program ng Department of Education.
Ang pagsasanay ay may temang “Division Mass Training of Grade II Teacher’s on the Implementation of the K-12 Basic Education Curriculum” ang naturang training ay ginanap sa Baler Central School Covered Court.

Ang pagsasanay sa mga guro ay isinakatuparan ng DepEd Division Office of Aurora. Pinangunahan ito ng In-Charge na si Mrs. Nonita Ocampo, kasama sina Mrs. Casilda Buhasa, at Mrs. Yolanda Garcia, ito’y sa pamamagitan naman ng pamamatnugot ng School Division Superintendent na si Mrs. Teresa D. Mababa.

Layunin ng naturang pagsasanay na maihanda ang mga leksyon at disiplina na dapat maibigay sa mga mag-aaral sa grade II, na siyang pinag-uumpisahan ng K-12 implementation noong nakaraang taon.

Kalakip sa isinagawang training ay upang masangkapan din ang mga guro ng mataas na kasanayan, upang makamit ang Layunin ng K-12 program ng pamahalaan na mahubog ang mga mag-aaral na maging produktibo at globally competitive.