Natagpuan
patay ang isang 10 taong gulang na bata sa Sitio Libis, Barangay Calabuanan, sa Bayan
ng Baler, Aurora.
Ayon sa
Baler PNP, dakong alas-7:00 ng umaga nitong Sabado, Hunyo 15, 2013, natagpuang
nakahandusay ang bangkay ng isang grade
3,magaaral, ng Calabuanan Elementary School, 60 metro mula sa kanilang bahay
ang kinaroroonan nito.
Ayon sa ate ng
biktima, Hunyo 13, 2013 pa umano nawawala ang kanilang kapatid. Hindi na umano
nakauwi ang biktima mula ng ito ay pumasok sa paaralan noong Huwebes.
Ayon sa
pagsusuri ng SOCO Aurora Provincial Crime Laboratory, nakitaan umano ng tama ng
isang matigas na bagay sa ulo ang bata, at maaring ito umano ang dahilan ng
pagkamatay ng biktima.
Ang kaso ay
patuloy pang iniibestigahan ng mga otoridad
sa pangunguna ni PO2 Regan D. Lopez para malaman kung sino ang maykagagawan
at kung ano ang motibo nito sa pagpatay. (Arnel M. Turzar)
Comments
Post a Comment