Lumagda sa
pinagsama-samang salaysay ang 24 katao na di umano ay pinangakuan na magtrabaho
ng Job Order sa loob ng 6 na araw ngunit hindi naman nakatanggap ng kahit isang
kusing na sahod.
Ang mga
nagrereklamo ay mga pawang residente ng
Barangay Obligacion, Baler, Aurora..
Ayon sa
pinagsama samang complaint affidavit, matapos umanong silang magpasa ng
kanilang PDS, ay nagsimula na silang magtrabaho noong Abril 3 at tumagal ito
hanggang Abril 9, 2013, subalit mula noon hanggang ngayon ay hindi parin umano
naibibigay ang kanilang sahod.
Kayat
nagkaisa umano ang mga ito na gumawa ng pinagsama-samang sinumpaang salaysay,
upang anilay magamit sa legal na pamamaraan upang makamit ang kanilang
karapatan.
Kaugnay ng
reklamo ng 24 katao na kinuha bilang Job Order ng kanilang Kapitan ng Barangay,
mariing pinabulaanan ng Barangay Kapitan
ng Obligacion na si Domino Bernalte na
hindi umano niya hinikayat ang mga ito,
kundi sila ay kusang nagtungo sa Barangay Hall upang mag-aplay sa naturang 6
days work.
Sinabi rin
ni Bernalte na taga Human Resources Office o HR, isang tanggapan sa Provincial
Capitol ng Aurora na sila ang nagtungo sa kanilang Barangay upang kumuha ng mga
J.O dahil wala naman aniyang maaring ipa-sweldo ang kanilang Barangay sa 6
day’s na trabaho.
Samantala,
umaasa naman ang 24 na nagrereklamo na maibibigay sa kanila ang kanilang sweldo
sa pinagtrabahuan nila ng 6 na araw.
Comments
Post a Comment