Nagkaroon ng
tensiyon sa pagitang ng Demolition team ng Sheriff Aurora at sa mga nakatira sa
bahay na gigibain sa Sitio Virrey, Barangay Pingit, Baler, Aurora.
Dakong
alas-otso ng umaga kahapon (June 20, 2013) dumating sa lugar ang demolition
team, sa bisa ng Writ of Demolition na may Civil Case No. 772 para gibain ang bahay at putulin ang mga puno
ng niyon na tinanim ng pamilya ni Ginang Merriam Virrey.
Ayon sa
Sheriff, December 10, 2012 pa dapat umano isasagawa ang pagbabaklas, subalit
naantala dahil sa umanoy dinidinig pa sa korte ang usapin sa pagitan ng
sinasabi na diumanoy may-ari ng lupa na si Violeta at Alejandro Erog-Erog vs.
Merriam Verrey.
Binigyan
umano ng limang araw na palugit ang pamilyang Virrey para lisanin ang lugar, at
kung hindi umano sila kusang aalis mapipilitan ang Sheriff na ihain ang utos na
sila ay puwersahang paalisin. Subalit ayon sa pamilyang Virrey wala umano
silang natanggap na notis mula sa Sheriff.
Kahapon muli
nilang sinagawa ang pagpapaalis sa pamilyang Verrey subalit sa dami ng taong
sumusuporta para pigilan ang demolition team, nabigo silang ipapupad ang utos
ng Sheriff.
Umabot ng
mahigit pitong oras ang tensiyon sa pagitan ng demolition team ng Sheriff at sa
nagmamay-ari ng bahay gayun din ang mga tagasuporta nito na magit 50 katao mula
sa grupo ng Panlalawigang Alyansa ng Magbubukid sa Aurora o PAMANA at Justice
and Peace Action Group of Aurora o JPAG.
Nakaantabay
naman ang Baler PNP para pigilan at upang maiwasan na magkasakitan ang
makabilang panig. (Arnel M. Turzar)
Comments
Post a Comment