Pormal nang
sinampahan ng kasong paglabag sa R.A 7610, Direct Assault, In person on
Authority, at Death Threat ang Kapitan ng Barangay Ditailen, Maria Aurora,
Aurora.
Nakakulong na
sa Panlalawigang Piitan ng Aurora si Barangay Captain Joseph Manubay y
Asonsion, nasa hustong taong gulang, residente ng nabanggit na lugar, matapos
umano itong manggulo at manutok ng barel sa isang Master Teacher I, sa Ditailen
Elementary School.
Ang
nagrereklamo ay kinilalang si Mr. Fermin Sindac y Pimentel, nasa hutong taong
gulang, guro sa naturang paaralan.
Ayon kay Mr.
Sindac, dakong ika-4:00 ng hapon nitong Lunes nang mangyari ang panggugulo nang
puntahan ng suspek ang class room kung saan nagtuturo ang guro, bumunot umano
ng revolver at itinutok sa kanya.
Nakita umano
ng mga batang mag-aaral ang panunutok sa kanilang guro kaya’t nanginig sa takot
ang mga ito.
Agad namang
naitawag sa PNP Maria Aurora ng ilang residente sa lugar para ipagbigay alam
ang pangyayari, at agad namang nagresponde ang mga otoridad.
Nanglaban pa
umano si Manubay nang ito ay imbitahan na sumama sa himpilan ng Polisya at
nasaktan pa ang ilan sa mga pulis. (Arnel M. Turzar/Guiller Necesito)
Comments
Post a Comment