Nagtamo ng gasgas sa iba’t ibang
bahagi ng katawan at halos maputol ang dila ng isang binata matapos itong
sumemplang ang kayang minamanehong motorsiklo sa Barangay San Jose, San Luis,
Aurora kamakailan.
Ang biktima ay kinilalang si Sabino
Lopez, 35 taong gulang, at residente ng Barangay Quirino, Maria Aurora, Aurora.
Ayon sa biktima dakong alas-kuwatro ng
hapon habang binabagtas niya ang kahabaan ng lansangan sa Barangay San Jose,
mula sa Bayan ng Baler, sa palikong bahagi nito nawalan sya ng kontrol at
sumemplang ang kanyang minamanehong motorsiklo at nagpagulong gulong. Nakainom
umano ng alak ang biktima.
Sa lakas ng impak nakagat umano niya
ang kanyang dila na muntik nang maputol, umabot sa halos kalahati ang sugat
nito.
Agad namang naidala sa Aurora Memorial
Hospital ang biktima. Sa pagmamalasakit at tulong ni Dr. Roberto Corea, nagamot
at naibalik sa dati ang dila ng biktima.
Samantala, nananawagan naman ang mga
motorista sa kinauukulan na bigyan pansin ang mga buhangin sa sementong lansangan
na nagdudulot ng panganib sa mga motorista. (Arnel M. Turzar/Raul Mendoza)
Comments
Post a Comment