Patay ang
isang lola ng itoy aksidenteng mabundol ng humahagibis na Delica Van kahapon
dakong alas-10:27 ng umaga sa Bayan ng Dipaculao, Aurora.
Ang biktima
na agad ding binawian ng buhay ay nakilalang si Tita Drapeza, 72 taong gulang,
residente ng Barangay Mucdol, Dipaculao, Aurora.
Samantalang
ang driver ng Delica Van na may Plate No. RNB 238 na nakabundol sa biktima ay
nakilala naman na si Agbayani Demie, na diumanoy empleyado ng DENR.
Ayon sa
inisyal na imbetigasyon nina PO3 Eduardo Elisan at PO2 Salvador Colbongan ng
Dipaculao Police Station, sakay ang biktima ng kanyang tri-bike at nagtitinda
ng kakanin sa naturang lugar ng bigla umano itong mabundol ng Delica Van na
minamaneho ni Demie, sa lakas ng pagkabangga tumalsik umano ang tri-bike kasama
ang biktima.
Agad namang
naidala sa Aurora Memorial Hospital ang biktima subalit makaraan lamang ang
ilang sandali ay binawian din ito ng buhay. (Rey S. Fernando)
Comments
Post a Comment