Patay ang
isang pitong taon na bata matapos itong matuklaw ng Philippine King Cobra sa
Bayan ng Maria Aurora, Aurora kamakailan.
Ang biktima
ay kinilalang si Mark Romulo Rivera, 7 taong gulang, at residente ng Barangay
01, Maria Aurora.
Ayon sa ama
nitong si Romulo Rivera, dakong ika-2:00 ng hapon noong Mayo 31, 2013 nagtatabas
umano si mang Mulo sa kanilang bakuran habang naglalaro naman si Mark malapit
sa isang punso na may butas, pinagsabihan naman umano ng ama ang anak na huwag
gagalawin ang punso, subalit nang
makatalikod ang ama ay dinukot ng bata ang butas, dito kinabahan si mang Mulo
nang marinig niyang umiiyak ang kanyang anak, at nang kanya itong lapitan ay
dumudugo na ang kanang kamay ng bata at hindi na nagawang itakbo sa pagamutan
ang biktima dahil agad umano itong bumagsak at nangisay at bumubula pa ang bibig,
patunay umano na malakas ang kamandag ng ahas na cobra. Namatay ang biktima at
namatay din ang cobra.
Ayon pa kay
mang Mulo, ang biktima ay mag-aaral at mabait na bata, punong puno sila ng
pag-asa para maiahon sila sa hirap. Si Mark ay panganay na anak, (Guiller Necesito)
Comments
Post a Comment