SIDE WALK VENDORS PENIPETISYON

Penipetisyon ang mga Vendors na nakapuwesto sa sakop ng mga pampublikong lansangan partikular sa lalawigan ng Aurora.

Nagbaba ng  Memorandum ang Department of Interior and Local Government o DILG noon taong 2010 sa buong Rehiyon 3, na nagbabawal magtinda sa mga pampublikong lansangan subalit hanggan ngayon marami parin ang lumalabag dito na tila hindi pinatutupad ang kautusan.

Nilabas ang kautusan sa kadahilanang isa sa pinagmumulan ng aksidente, pagkaantala ng mga motorista at pagsisikip ng lansangan ang paglipana ng mga vendors sa gilid ng lansangan.

Sa pakikipanayam ng CMN News sa mga manininda,  wala umano silang ibang hanap buhay at karamihan umano sa kanilang itinitinda ay sariling ani, kaya’t ang ilan sa kanila ay nakikiusap na limitahan ang kautusan bilang tulong sa kanila, sapagkat sila ay mahihirap lamang.

Umalma naman ang ilang manininda na lehitimong nagbabayad ng permit at buwis, dahil sa mga naglipanang vendors nababawasan umano ang kanilang suki at kita, kaya’t dapat umano ipagbawal na ang mga illegal  vendors.

Kung hindi maipapatigil ang mga illegal vendors ay wala umanong silbi ang kanilang pagbabayad ng buwis at pagkuha ng lisensya.

Komento pa ng iba, na baka umano may lagay na ang ilang tagapagpatupad ng batas kaya hindi ipinapatupad at inaaksyunan ng maayos ang suliraning ito. (George Balbero)