Narecover ang mahigit 120 pirasong
kahoy sa loob ng Aurora National park sa Sitio Dimasangay, Barangay Villa,
Maria Aurora noong Sabado, Hulyo 20, 2013.
Ayon sa Maria Aurora PNP, nagkatanggap
umano sila ng ulat mula sa nasabing lugar na may mga kahoy na ilalabas sana ng mga
ilegalista.
Agad namang romesponde ang kapulisan
sa pangunguna ni P/SINSP
Victor Basil B. Morales at ang Department of Environment and Natural Resources
sa pangunguna naman ni Fortunato Ortiz. Agad na nagtungo sa lugar ang grupo upang
kumpirmahin ang ulat na natanggap. Pagdating sa lugar doon inabutan ang mga iniwang kahoy ng hindi
nakilalang mga ilegalista.
Agad na kinumpiska
ng grupo ang naturang kahoy at ito ngayon ay kasalukuyang nasa pangangalaga ng
DENR sa Provincial Environment ang Natural Resources Office sa Barangay Pingit,
Baler, Aurora.
Inaalam pa kung ilan bd.ft. ang mga kahoy at
kung sino ang responsible sa pamumutol nito. (Arnel M. Turzar)
Comments
Post a Comment