Binisita ni Aurora Governor Gerardo
“Gerry” Noveras ang bayan ng Dingalan noong Martes (Hulyo 10), kanyang inalam
ang kagyat na pangangailangan ng naturang Bayan.
Dakong alas-10:00 ng umaga nang
dumating ang butihing ama ng Lalawigan sa Barangay Matawe sa kanyang dinaluhang
Launching ng produktong Banana cheap na pinangunahan ng Department of Triad and
Industry o DTI para ilunsad ang naturang produkto. Matapos ang launching nagtungo
si Noveras sa Barangay Butas na Bato at
nagsagawa ng pagpupulong sa mga piling lider ng bawat Barangay ng Dingalan.
Dito napag-usapan ang mga plano, hinaing at suwestiyon ng mga mamamayan ng
Dingalan.
Nais iprayuridad ni Niveras ang usapin
sa kalusugan at kaligtasan katulad ng Hopital, at kanyang tinuran na dapat
pondohan ang mga pasilidad ng pagamutan at sasakyang ambulansiya.
Kasama sa prayuridad ni Noveras ang
pagsasaayos ng kalsada mula sa Barangay Butas na Bato hanggan sa Barangay
Umiray at mula Umaray hanggan sa Sitio Singawan.
Binisita rin ni Gov. Noveras ang
Famers Training Center o FTC sa Barangay Poblacion at ito ay kanyang siniyasat
para malaman kung ano ang mga kagyat na pangangailangan at mga gamit ng
nasabing Center.
Mag-lalaan
umano ng dalawang araw kada buwan si Gov. Noveras para bisitahin ang bayan ng
Dingalan. (Marlon Padua)
Comments
Post a Comment