Nagsagawa ng
courtesy visit ang mga delegasyon ng International Solidarity Mission kahapon
ng tanghali kay Aurora Gov. Gerardo Noveras, sa kanyang tanggapan sa Provincial
Capitol.
Ang
Delegasyon ng ISM ay Binubuo ng Higit 40 katao, labing-isa d2 ay mula sa
bansang Denmark at The Nederlands, kabilang din sa delegasyon ang ilang miyembro
ng NGO’s, Media at Peace Advocates.
Inilahad ng
ISM kay Noveras ang Layunin kung bakit sila ay narito sa lalawigan ng Aurora,
ayon kay Sister Cecilia Ruiz ng Karapatan Central Luzon, nais alamin ng Grupo
ang kalagayan ng mga residente na apektado ng proyektong APECO sa bayan ng
Casiguran.
Napag-usapan
din ang suliraning sa lalawigan ukol sa paglabag sa karapatang pantao, gayundin
ang naganap na demolisyon kamakailan sa Sitio Virrey, Barangay Pingit, Baler,
Aurora.
Sinabi naman
ni Noveras sa grupo ng ISM na hindi nito itotolerate ang anumang karahasan na
nagaganap maaaring maganap sa lalawigan sa ilalim ng kanyang panunungkulan.
Inabot ng
halos 25 minuto ang pakikipag-usap ng delegasyon kay Gov. Noveras, matapos ito
ay nagpatuloy na ang paglalakbay ng grupo patungo naman sa bayan ng Casiguran
upang doon isagawa ang Mission ng naturang delegasyon.
Bukod sa
ecozone magkakaroon din sila ng imbestigasyon sa pamamaslang kay Romualdo “ka
Waldo” Palispis, na pinaslang noong Hunyo 30, 2012 sa bayan ng Maria Aurora,
Aurora at kay Willem Geertman na pinaslang namang noong Hulyo 3, 2012 sa San Fernando, Pampanga. (Rey F. Fernando/Arnel M. Turzar)
Comments
Post a Comment