Taus-pusong
pasasalamat sa lahat ng nagging bahagi ng kanyang paglilingkod at pagtupad sa
tungkulin mula ng siya’y mag-upisa noong 2007 hanggang sa pagtatapos ng kanyang
ikalawang termino noong Hunyo 30, 2013 bilang Bise Gobernador.
Ito ang
pinahayag ni Gov. Atty. Gerardo ‘Gerry” A. Noveras sa kanyang panunumpa bilang
Gobernor ng lalawigan ng Aurora, kahapon na isinagawa sa Capitol Ground,
Barangay Suklayin, Baler, Aurora.
Sa kanyang
talupati, hiniling ni Noveras ang suporta ng kanyang Bise Gobernador Rommel
Angara at ni Cong. Bellaflor Angara-Castillo, ganoon din ang suporta ng Sangguniang
Panlalawigan at lahat ng mga Punong Bayan, at ng taong bayan na suportahan ang
kanyang panunungkulan. Lubos din niyang pinasalamatan ang pagsuporta ng kanyang
asawa, mga anak, mga kapatid, magulang at mga kaibigan.
Nang
tanungin ni Noveras kung mayroon ayaw sumuporta sa kanyang panunungkulan,
ni-isa walang nagpahayag ng pagtutol sa pamamagitan ng pagtaas ng kamay.
Ayon kay
Noveras, bukas aniya ang kanyang administrasyon sa lahat ng sektor, sa kanilang
pangangailangan.
Bukas din
aniya ang kanyang panunungkulan na tumanggap ng ano mang suhestiyon at mga
panukala na magpapaunlad sa Aurora, upang maipagpatuloy niya ang kaunlaran na
kasalukuyang tinatamasa ng lalawigan.
Comments
Post a Comment