Idinadaing
ng mga motorista at kumyuters sa bayan ng Dingalan partikular ng mga residente
sa Barangay Umiray at Barangay Ibuna ang hindi maayos na kundisyon ng daan lalo
na ng mga spill ways na inaapawan na ng tubig at halos hindi na umano madaanan
ng maliliit na sasakyan, katulad nalamang umano ng mga spill ways sa Sitio Bakalan
at Sitio Yapit sa Barangay Umaniray at
Barangay Ibuna, bunsod ng ilang araw ng pagbuhos ng ulan.
Ayon kay
Kon. Selbert Astrera ng Barangay Umiray, umaapaw na ang tubig sa ibabaw ng mga
naturang spill way’s dahil natabunan na ng buhangin ang mga box culvert sa mga
naturang tulay.
Ganito rin
umano ang suliranin sa Barangay Butas na Bato kung saan umapaw narin sa kalsada
ang tubig mula sa sapa dahilan sa nabarahan na ng buhangin ang imburnal sa
Sitio Amutan sa naturang Barangay.
Dahil dito,
nananawagan ang mga apektadong residente na sanay aksyunan naman daw ng lokal
na pamahalaan ng Dingalan ang suliraning ito upang hindi anila mabalam ang
daloy ng transportasyon at kalakalan sa naturang lugar. (Rey S. Fernando)
Comments
Post a Comment