Sama-samang nakinig at
nakiisa ang mga mag-aaral mula sa Higher Education Department ng Mount Carmel
College Baler, Aurora sa isinagawang symposium kaugnay sa Drug Awareness noong
nakaraang biyernes, Hulyo 26, 2013 na ginanap sa Covered Court ng nasabing
paaralan.
Dakong alas-sais ng gabi
nagsimula ang naturang programa sa pangunguna ng pagtanggap ni Mr. Mariano Quiñones
at ang panimulang pananalita ni PhD. Rowel Olila ng College Affairs Office. Sa
ilalim ng temang “Global Action for Healthy Communities Without Drugs”.
Sinabi ni Quiñones hindi
lamang halaga na malaman ng mga Carmelian ang epekto ng droga sa kalusugan ng
mga taong gumagamit nito at sa pamayanan, bagkus bilang bahagi ng Katolikong
paaralan mahalaga ang papel ng mga ito sa pag-iwas sa paggamit ng droga at ang
responsibilidad sa pagsugpo ng ipinagbabawal na gamot sa lipunan.
Sinabi naman ni Olila na
mahalagang pangalagaan ang kalusugan ng tao, panatilihin ang siguridad lalo
na sa Emmotionaly, Spirituality at Physically na siyang bumubuo sa buhay ng tao
bilang mabuti at masayang pamiliyang Pilipino.
Bago magsimula at matapos
ang symposium nagsagawa muna ng film viewing na may kaugnayan parin sa paksa.
Pormal ding inanunsyo ang mga nanalong departamento sa isinagawang kompetisyon
ng Documentary video, painting, slogan at Photo judging na may kaugnayan parin
sa drugs awareness noong Huwebes Hulyo 25, 2013.
Naging panauhing
tagapagsalita si Mrs. Eleonor Olivar mula sa Provincial Social Welfare and
Development Office.
Ipinaliwanag ni Olivar sa
mga mag-aaral ang nakasaad sa Republic Act 6425, mas kilala sa tawag na
"Dangerous Drug Act", at ang mga kaukulang multa at parusa na maaaring ipataw sa
mga taong gumagamit, nagtutulak at nagbebenta ng droga. Tinalakay din ni Olivar
ang mga sakit na dulot ng paggamit ng droga.
Dahil dito, payo ni Olivar sa
bawat isa lalo ang mga kabataan na makiisa at makisangkot na lamang sa mga
gawaing pang pamayanan kaysa gumamit ng mga ipinagbabawal na gamot.
Comments
Post a Comment