Tumaas ang
presyo ng ilang pangunahing bilihin sa Pampublikong pamilihan sa Bayan ng Baler,
katulad ng Bigas na dati ay nagkakahalaga ng P28 hanggang 35 pesos, ngayon ang
pinakamamabang presyo ay P32 hanggang 40 pesos ang kada kilo.
Ayon kay
Gng. Cecilia Gutierrez, pangulo ng Market Vendors ng Dry Section, wala pa
umanong dumarating na angkat ng bigas mula sa ibang bansa na mas mura kaysa sa
bigas ng Pilipinas. Ito umano ang dahilan ng pagtaas ng presyo ng pambansang
butil.
Ang mga
bigas na binebenta sa palenke ay nanggagaling pa umano sa Bulacan
Maliban sa
bigas, tumaas narin ang presyong ibang pang
produkto katulad ng Mantika na tumaas ang presyo ng piso kada isang bote, ganun
din ang asukal.
Inaasahan na
tatas pa umano ang presyo ng katulad na produkto sa mga susunod na araw kung
wala paring darating na angkat. (Arnel M. Turzar)
Comments
Post a Comment