Matagumpay ang isinagawang Symposium kaugnay
sa Anti-Hazing law ng Dilasag PNP noong Martes, Hulyo 9, 2013 sa Diagyan
National High School bilang bahagi sa pagsasakatuparan ng Police Community
Relation Month o PCRM ngayong buwan ng Hulyo sa ilalim ng Presidential
Proclamation No. 764.
Ganap na ika-9:00 ng umaga nagsimula ang
programa at natapos ito dakong alas-onse ng umaga noong araw ding iyon na pinangunahan
ni P/INS Dennis Balbuena sampo ng kanyang mga kapulisan.
Dito ipinaliwanag ng polisya ang puwedeng
kahihinatnan kung sakaling sumali sa fraternity o brotherhood ang mga kabataang
nasa murang edad. Hinihikayat din ng naturang ahensya na sumama o sumali nalamang
ang mga kabataan sa mga programa at aktibidad ng paaralan at Barangay na kanilang
kinapapalooban kaysa sa mga samahang wala namang magandang kahihinatnan.
Ang symposium ay dinaluhan ng mga magulang,
DSWD, mga guro sa pangunguna ng kanilang Punong Guro.
Ang naturang programa ay may temang
“Serbisyong Makatotohanan at Matatag na Ugnayan ng Pambansang Polisya at
Mamamayan Tungo sa Matuwid na Daan.
Ang ganitong gawain ay taun-taon isinasagawa
hindilamang sa Bayan ng Dilasag at Lalawigan ng Aurora kundi sabay-sabay itong
ipinagdiriwang sa buong Bansa. (Arnel M. Turzar/George Balbero)
Comments
Post a Comment