Sama-samang
nagtanim ng punong Nara kahapon (Hulyo 4) sa Baler Central School ang mga
mag-aaral sa ika-anim na antas at mga
guro sa pangunguna ni Punong Guro II Avelardo Aquino at ang Baler Philippine National Police sa
pangunguna ni P/INS Maynard Pascual sa patnubay ni PSI Noel Palmero sampo ng
kanyang mga kapulisan bilang bahagi ng pagdiriwang sa Buwan ng Police Community
Relation Month o PCRM ngayong Hulyo sa ilalim ng Presidential Proclamation
No.764 .
Ang naturang
programa ay may temang “Serbisyong Makatotohanan at Matatag na Ugnayan ng
Pampansang Pulisya at Mamamayan Tungo sa Tuwid na Daan”.
Ganap na
ika-8:00 ng umaga nagsimula ang pagtatanim at natapos ito hanggang alas-10:00
ng umaga.
Ang ganitong
gawain ay taun-taon isinasagawa hindi lamang sa Bayan ng Baler at Lalawigan ng
Aurora kundi sabay sabay itong
ipinagdiriwang sa buong Bansa. (Arnel M. Turzar)
Comments
Post a Comment