Umabot ng 171 ang bilang ng nagkaroon
ng sakit na dengue sa buong Aurora sa nakalipas na tatlong buwan, mula noong
May 01 hanggang July 31, 2013.
Naitala ng Aurora Memorial
Hospital ang 126 sa bayan ng Baler, 20 sa Maria Aurora, 11 sa San Luis, 13 sa
Dipaculao at 1 sa bayan ng Casiguran.
Dahil dito, nauna nang Sinabi ni
Provincial Health Officer ng Aurora Dr. Luisito Teh, sa mga tiga
Aurora na maglinis ng kapaligiran at huwag nang hintayin na masama sa mga
nagkaroon ng Dengue, mahalaga aniya na maputol ang cycle ng lamok para hindi na
ito dumami.
Ang mahalaga ani Teh ay maputol ang
cycle ng lamok na nagdadala ng sakit at mapuputol lamang diumano ito kung
maaalis ang itlugan ng mga salot na insekto.
Hindi rin iminumungkahi ng mangagamot
ang paggamit ng fogging machine dahil hindi raw naman nakaipon sa isang lugar
ang pinanggalingan ng mga pasyente at last resort lamang diumano ang paggamit
nito.
Sa paglobo ng kaso ng Dengue sa Aurora, patuloy
ang panawagan at kampanya ng mga otoridad sa kalusugan upang ipaalam ang mga
paraan para maiwasan ang Dengue H-Fever gaya ng pag-aalis sa anumang bagay na
maaaring pag-ipunan ng tubig at pamugaran ng mga lamok sa loob at labas ng
bahay, paglalagay ng takip sa mga pinaglalagyan ng tubig upang maiwasan ang
pagpasok at pangingitlog dito ng mga lamok, regular na paglilinis ng mga alulod
ng bahay, paggamit ng kulambo o insect repellant at iba pa. (Arnel M. Turzar/Raul Mendoza)
Comments
Post a Comment