Anim na kalalakihan ang naaresto
ng mga element ng Maria Aurora PNP habang nagpapatrolya ang mga ito sa
pangunguna ni P/SINSP Victor Basil B. Morales noong lunes (August 12) habang kasagsagan ang
pananalasa ng bayong labuyo.
Unang naaresto sa bayan ng Maria
Aurora ang tatlong suspek na kinilalang sina Mark Digno y Montalba, 18 taong
gulang at ang kapatid nitong 17 taong gulang, at Francis Hocson y Minar, 19
taong gulang. Sumunod na naaresto sa isinagawang follow-up operation sa
barangay Pingit Baler, Aurora sina Hansdy Macaraeg y Lapano, 18 taong gulang,
Recarte Barlis y Malinao, 23 taong gulang at John Aris Lumasac y Herman, 19
taong gulang, kapwa mga residente ng barangay Pingit, Baler, Aurora.
Ayon kay Morales, ang kanilang mga
naaresto ay suspek at responsable umano sa mga insidenteng pagnanakaw ng mga
hayop katulad ng kambing at baboy, at panloloob sa mga istablisyemento sa bayan
ng Baler at Maria Aurora.
Dagdagpa ni Morales, direktiba ng
kanilang himpilan na dakipin ang mga wanted person na may warrant of arrest sa
kanilang tanggapan, sa lugar na kanilang nasasakupan sa Maria Aurora.
Comments
Post a Comment