Bayan ng Dinalungan at Casiguran, personal na binisita ni Vice Pres. Jejo Mar Binay, hapon

Personal na dinalaw ni Bise Presidente Jejo Mar Binay kasama ang kanyang anak na si Makati Mayor Jun-jun Binay ang bayan ng Dinalungan at Casiguran, Aurora kahapon umaga (August 15).

Dakong alas-9:00 ng umaga dumating sakay ng helicopter ang mag-amang Binay sa Dinalungan para personal na alamin ang matinding pinsalang dulot ng bagyong labuyo noong lunes ng madaling araw sa mga nasabing bayan.

Mainit na sinalubong ni Dinalungan Mayor Tito Tubigan at kanyang mga kawani kasama ang mga mamamayan at mga barangay official ganundin kapulisan ang pagdating ng grupo ni Vice President Binay.

Sa kanyang mensahe, Tiniyak ng Bise Presidente na magbibigay ang kanyang tanggapan ng derektang tulong na pabahay sa mga mamamayang ganap na na wasak ang mga bahay at halagang tag-lilimang libong piso naman sa bawat pamilya na bahagyang napinsala ang tanahan.

Agad din umanong magsasagawa ang kanyang tanggapan ng Medical Mission at mamimigay ng Relief Goods sa lahat ng naapektohan ng bagyo sa barangay Dinadiawan, Dinalungan at Casiguran.  

Nangako naman ng tulong sio Makati mayor Junjun Binay sa mga mamamayan ng Dinalungan. Aniya, kakausapin niya ang kanyang kapatid na senadora Nancy Binay upang mula sa kanilang mga calamity fund, ay agad silang makapagpadala ng tulong sa mga naapektohan ng bagyong labuyo sa lalawigan ng aurora. Sinabi pa ni Mayor Binay na habang nakikipag-pulong sila sa mga mamamayan ng Dinalungan ay patuloy sa paghahanda ng mga relief goods ang kanilang mga staff sa manila upang agad na maipadala dito sa Aurora.

Makaraan ang halos kalahating oras na pag-uusap sa Dinalungan, dumeretso ang grupo ni Binay sa bayan ng Casiguran para personal na makausap si Aurora Gov. Gerardo Noveras na kasalukuyang nasa bayan ng Casiguran. (Arnel M. Turzar)