Isang binata ang nalunod sa Dingalan, ililibing na

Nasa estado na ng decomposition ng matagpuan ang labi ng isang binata matapos na ito ay tangayin ng malakas na agos ng tubig sa ilog ng Amutan sa Barangay Butas na Bato sa bayan ng Dingalan, Aurora.

Ang biktima ay si Ronald B. Borja, 27 taong gulang, at residente ng nabanggit na barangay at bayan.

Ayon sa report, noong August 12, 2013, ala-una ng madaling araw sa kasagsagan ng bagyong labuyo, tinangka umano nito na tumawid sa ilog upang tulungan ang kanyang pinsan, ngunit tinangay ito ng tubig.

Sa isinagawang search and retrieval operation ng mga element ng Dingalan PNP, BFP, Coast Guard at mga barangay official ng Butas na Bato, ala-una ng hapon noong August 13, ng matagpuan ang katawan ng biktima na naaagnas na. 

Sa karagdagang impormasyong nakalap ng CMN News, gabi palamang noong August 11 palamang ng maanod umano ang biktima upang tulungan ang kanyang pinsan sa suisigaw, nagpapasaklolo.

Samantala, nauna na umanong sinabi ni Dingalan Municipal Mayor Zanaida Pajernos sa pamilya ng biktima na walang maibibigay na tulong ang lokal na pamahalaan ng Dingalan para sa pagpapalibing sa bangkay ng biktima. 

Nangako narin umano ang MSWD Dingalan na magbibigay sila ng tulong, subalit hindi parin ito naibibigay sa pamilya.

Kaugnay nito, nananawagan ang pamilyang Borja sa Pamahalaang panlalawigan ng tulong sa pagpapalibing ng biktima. 

Si Ronald B. Borja ay nakatakdang ilibing sa Sabado, August 17. (Arnel M. Turzar/Rey S. Fernando/Marlon Padua)

Comments