Inilipat na sa Panlalawigang
Piitan ng Aurora ang isang lalaki na naaresto noong linggo sa bayan ng Baler,
Aurora dahil sa kaso nitong pagnanakaw at pangingikil.
Kinilala ang suspek na si Christopher
Lopez, 29 na taong gulang, walang trabaho, at residente ng Barangay Sabang, ng
nasabing bayan.
Sa isinagawang imbestigasyon
ng Baler PNP, dakong alas-1:00 noong Sabado, Agusto 3, 2013, nang madiskubre ng biktimang si
Ronald Castillo na nawawala ang kanyang bag na may lamang pera, ID’s at mga
mahahalagang dokumento na nakalagay sa compartment ng kanyang motorsiklo na
nakaparking sa harapan ng isang apartment sa barangay Sabang. At noong linggo
(Agusto 4) nakatanggap ang biktima ng text message mula sa suspek, humihingi
ito ng isang libong piso kapalit para ibalik ang bag. Dahil dito pinaghandaan
nila ang paglabas ng suspek upang ito ay madakip at hindi nagtagal na-citizen
arrest ang suspek.
Comments
Post a Comment