Kon. Taay ng Dingalan, bagong Aurora PCL President

Nanalong Presidente ng Philippine Councilors League Aurora Chapter si Kon. Sheila Taay mula sa bayan ng Dingalan sa isinagawang PCL Election kahapon na siyang uupo sa ex officio  member ng Sangguniang Panlalawigan ng Aurora.

Nahalal naman bilang Bise Presidente ng PCL Aurora Chapter si Kon. Jennie Araňa mula sa bayan ng Casigura.

Si Kon. Gina Ritual ng bayan ng Baler naman ang nahalal bilang General Secretary, habang si Kon. Alan Tolintino ang nahalal bilang Treasurer,  Auditor si Kon. Josephina Rada, Business Manager si Kon. Danilo Ong, nahalal naman bilang PRO sa unang distrito si Kon. Dizon Artemio at Christian Capulong sa ikalawang Distrito.

Itinalaga naman bilang Board of Director sina Kon. Mendrado Tropicalez ng Baler, Kon. Eugene Calogtong ng Casiguran, Kon. Maria Joy Enggaran ng Dilasag, Kon. Marlyn Madridano ng Dinalungan, Kon. Piter Bernardo ng Dingalan, Kon. Franklin Reyes ng Dipaculao, Kon. Ferddie Bitong ng Maria Aurora, at si Kon. Eric Pimentel ng San Luis.

Samantala, ang nangasiwa sa isinagawang PCL Election para sa lalawigan Aurora chapter ay si DILG Provincial Director Renato Bernardino at naging panauhin si PCL National President Atty. Jesus  at dinaluhan naman ito ng 55 konsehales sa buong lalawigan. (Arnel M. Turzar)

Comments