Inenspeksyon ng Local Government Unit ang mga Video oke
bar sa bayan ng Baler, Aurora noong Miyerkules sa pangunguna ni Joseph Catipon
kasama ang Baler PNP sa pangunguna naman ni PO3 Lorente. Matagumpay na naisama
ng grupo sa Baler Health Center ang may 20 kababaihang nagtatrabaho sa naturang
bar upang alamin kung ang mga ito ay may mga kaukulang dokumento katulad ng health certificate at ang kanilang
kapanganakan para matiyak na hindi menor de edad ang mga ito alinsunod sa
umiiral na ordinansa sa naturang bayan.
Pinaliwanag sa mga ito na dapat kumpleto ang kanilang
kaukulang dokumento batay sa nakasaad sa ordinansa, ganoon din ang tamang
kasuotan, ganoon din ang mga istablisiyemento na dapat ay kumpleto ang
complaints permit bago ito mag-operate.
Ang ganitong pagsasaayos ay isa sa mga programang nais na
mahigpit na ipatupad ni Baler Municipal Mayor Nelianto Pilot Bihasa.
Comments
Post a Comment