Principal ng Diego Ortiz Elementary School, nabiktima ng mandurukot

Natangay ng mandurukot ang 9,000 pesos na cash, ATM card at GSIS ecard mula kay Mrs. Elsy Epina, Principal ng Diego Ortiz Elementary School.

Ayon kay Mrs. Espina, dakong alas-4:00 ng hapon habang siya ay namimili sa baratilyo sa Baler Public Market, nang bigla umano siyang dukutan ng hindi nakilalang mandurukot na pinaghihinalaang babae. Ito rin umano ang mga suspek sa dalawang insidente ng pandurukot noong lunes sa naturang lugar.

Agad na nagtungo ang biktima sa Baler PNP Station para ireport na insidente, agad naman umaksyon ang mga kapulisan at nagtungo sa pinangyarihan, bigo naman silang madakip ang suspek.

Kaya panawagan ni P/SINSP George Calauad sa lahat na maging maingat at mapagmasid sa paligid para maiwasang mabiktima ng mga mandurukot. (George Balbero)

Comments