Patuloy parin ang
pagbibiyahe ng mga uling mula sa bayan ng Dingalan, Aurora na idinadala sa
Cabanatuan city, Nueva Ecija. Ito ang napag-alaman ng CMN News sa nasabing
bayan.
Ayon sa nakalap na
impormasyon ni Field Reporter #25, hindi bababa sa 30 hanggang 40 sako ng uling
ang isinasakay sa Dingalan Bus Liner para dalahin sa Cabanatuan city araw-araw.
Ikinakarga umano ito sa
ilalim ng chassis ng naturang bus at sa likirang bahagi at pinapatungan ng mga
produktong saging kaya hindi napapansin ng mga otoridad sa checkpoint.
Nanggagaling umano ang mga
uling sa mga residente ng barangay Umiray at iba pang mga kalapit na barangay
dito.
Anila, bagamat hindi umano
ipinagbabawal ang pag-uuling ng mga kahoy na umaanod sa ilog. Bawal naman umano
itong idala at ibenta sa labas ng Bayan sapagkat hindi nag-isyu ng permit ang
Department of Environment and Natural Resources Dingalan para ibiyahe ang
naturang uling. (Arnel M. Turzar)
Comments
Post a Comment