Pinagsusumikapan ng mga
miyembro ng Sanggunian Panlalawigan ng Aurora na maibalik sa lalawigan ang
malaking bahagi ng lupaing na nasakop umano ng mga Bayan ng Dinapigue sa
lalawigan ng Isabela at Castañeda sa lalawigan naman ng Nueva Vizcaya.
Sa panayam ng CMN News kay
Bokal Pedro Bobong Ong, aniya, malaki ang pagkakataon na mabawi ang bahagi ng
lupa na sakop ng Aurora na sakop narin ng Dinapigue at Castañeda, dahil sa mapa
ng Cadastre Region III, ang naturang bahagi ng mga teretoryo ay sakop ng Aurora
kahit noon pang ang Aurora ay bahagi ng Tayabas Quezon.
Sinabi pa ni Ong na ang
layunin ng paghahabol ng Pamahalaang Lalawigan ng Aurora sa mga naturang
Boundary Dispute ay upang maibalik ang lupaing sadyang pag-aari ng Lalawigan.
Nais namang samantalahin ng
Sangguniang Panlalawigan ang pagkakataon na makabahagi ng programa ng DENR
hinggil sa ground surveying, upang lalong mabigyang unawa ang naturang boundary
dispute. (Rey S. Fernando/Arnel M. Turzar)
Comments
Post a Comment