LTO at PNP, nagsanib pwersa sa panghuhuli ng mga colorum na sasakyan

Hindi na binigyan ng pagkakataon ang mga pasaway na motorista hinggil sa panawagan nilang ipagpaliban muna ang panghuhuli sa mga pasong plaka ng mga sasakyan.

Sinabi ni PO2 Bryan Valenzuela, Sinimulan na nila ang panghuhuli noong lunes.

Barangay Pingit, Baler, Aurora ang una nilang pinuntirya na kung saan nagsagawa sila ng Checkpoint at masusing binantayan ang bawat dumaraang sasakayn upang inspeksyunin.

Hindi lamang ang mga tricycle na naghahatid at nagsusundo sa mga paaralan.

Sinabi ni Valenzuela na sa ganitong mga lugar madalas over loading ang mga sasakayang tricycle lalo na sa panahon ng pagpasok at uwian ng mga istudiyante.

Hindi lamang ito, aniya, sa mga kaso ng over loading kundi sa lahat ng mga bumibiyahe na walang kaukulang papeles gaya ng lesensya, plaka, helmet, mga nagmamaneho ng lasing, menor de edad at marami pang iba. Magkatuwang ang LTO at PNP sa pagsasagawa ng panghuhuli para masiguro ang kaligtasan ng publiko.

Dagdag pa, isusunod na nila ang pagsasagawa ng mga checkpoint sa ilan pang mga barangay hanggan sa sumapit ang Barangay Eleksyon sa darating na Oktubre 28, 2013. (Melanie Hugo)