Hindi lang mamimili ang umaalma
sa patuloy na pagtaas ng presyo ng bigas sa pamilihang bayan ng Baler, apektado
rin ang ilang mamumuhunan na siyang bumibili ng mga angkat na produktong bigas
mula sa loob at labas ng lalawigan.
Anila, Bukod sa napakalaki
at dagdag budget na kakailanganin upang matugunan ang sapat na supply ng bigas
sa naturang bayan, pahirapan din umano itong ilako sa mga mamimili dahil ang ilan
sa mga sako-sakong ibinabagsak mula sa lalawigan ay may halo umano ng NFA Rice.
Hindi na bago anila ang
ganitong kalakaran sa ating bansa partikular sa lalawigan ng Aurora, pero ang
sestemang ito ay higit na mas malaki ang apekto sa kagaya nilang maliliit na
mamumuhunan.
Sa ganitong paraan anila na
doble pa kumpara sa dating presyo nito na kung tutuusin ay pwede naman daw ito
mabili sa mababang halaga.
Dadad pa nila na bagamat may
pagtaas na dati sa mga presyo ng pangunahing bigas sa lalawigan ay naisasalaba
parin ang sariling produkto na Aurora rice dahil higit na mas mababa ito sa mga
bigas na nanggagaling sa labas ng lalawigan.
Kaya hinaing at panawagan ng
mga ito sa mga magsasaka, sa halip na
ipagbili nila ang mga aning palay sa mga dayuhang mamimili, ma ainam umano na
dito nalang ipagbili para sa ganitong paraan ay makakasiguro ang mga mamamayan
at konsyumer na wala itong halo.
Buwelta naman ng mga magsasaka, bukod sa wala silang mapagbentahan ng
palay dahil sa pansamangtalang pagtigil sa operasyon ng Aurora KOICA Rice,
naipagbibili nila ang aning palay sa mas mataas na halaga sa mga dayuhan. (Arnel M. Turzar/Melanie Hugo)
Comments
Post a Comment