Sa kabila ng
ilang kahadlangan at kontrobersya, natuloy din ang Palarong Panlalawigan 2013.
Ang palaro ay pinasimulan
ng parada kahapon (Nov.20, 2013) ng lahat ng atletang kalahok kasama ang
kanilang coaches. Trainors, teacher at mga chaperon, ang parada ay nagmula sa
Capitol Ground at natapos sa Baler Central School.
Dinaluhan
naman ng mga Mayor at Vice Mayor ng bawat Municipalidad ang pagbubukas ng Aurora
Provincial Athletic Association 2013.
Tatlong bayan
ang hindi nakapagpadala ng kanilang kinatawan, ito ang mga bayan ng Casiguran,
Dinalungan at Dingalan, dahil ang mga naturang Bayan ang matinding tinamaan ng
kalamidad.
Naging
pangunahing tagapagsalita naman sa opening ng APAA si Aurora Gov. Atty. Gerardo
Gerry Noveras, sa kanyang talumpati ay una nitong pinuna ang School Division’s
Superintendent (SDS) na si Gng. Teresa Mababa dahil sa hindi nito pagdalo sa
naturang aktibidad- tuwirang Sinabi ni Noveras na walang anomang sapat na
maaring dahilan si Mababa upang hindi nito siputin ang pagbubukas ng Provincial
Meet.
Idinagdag pa
ni Noveras na ito ang disadvantage kung hindi taga Aurora ang SDS ng Division
Office ng DepEd sa Lalawigan.
Sa kanyang
mensahe, hiniling ni Noveras na sana ang APAA ang maging daan ng pagkakaisa
hindi lamang ng mga atleta kundi lahat ng nanunungkulan sa Pamahalaan.
Comments
Post a Comment