Inirereklamo
ng mga guro at ilang magulang ang kawalan ng aksyon ng kumpanyang may hawak
sa kontrata ng ginagawang tulay sa Brgy.
Simbahan, Dinalungan Aurora.
Ayon sa isang
tawag na natanggap ng CMN News sa isang guro ng naturang paaralan, napaka
delikado umano sa kalagayan at kaligtasan ng mga mag-aaral sa Paulino Bautista
Elementary School sa nabanggit na Brgy. ang matarik na tambak ng kalsada sa
harap mismo ng gate ng naturang paaralan
Nag-usap na
umano ang punong guro ng naturang paaralan sa foreman ng construction company
ngunit binabale wala lang umano nito ang
daing ng mga guro.
Nakiki-usap
ang mga guro sa tanggapan ng DPWH na sanay aksyunan nila ang naturang
suliranin. (Rey F. Fernando)
Comments
Post a Comment