Pinaburan ng
mga miyembro ng Sangguniang Bayan ng Baler ang pananatili ng Sitio Buton bilang
sakop ng Barangay Sabang.
Ito ang
nagkakaisang desisyon na Pinagtibay ng naturang kapulungan sa kanilang regular
na sesyon noong nakaraang buwan, kaugnay sa usapin ng Barangay Disputes sa
pagitan ng Barangay Buhangin at Barangay Sabang.
Nag-ugat ang
usapin ng naturang dalawang Barangay nang magsumite ang konseho ng Barangay Buhangin sa Sangguniang Bayan ng
Baler ng kanilang pinagtibay na kapasyahan Blg. 06-2013 na humihiling na
maibalik ang Sitio Buton sa kanilang Barangay, dahil sinakop na umano ito ng
Barangay Sabang.
Subalit base
sa isinagawang pagdinig ng SB Committee on Boundary Dispute, lumilitaw na hindi
supisyente ang mga iprenisintang dokumento ng magkabilang panig.
Kaugnay nito,
nagrekomenda ang comite sa mga Barangay Opisyal ng Buhangin at Sabang na
magsasagawa na lamang ang mga ito ng mapayapang pag-uusap upang maresulba ang naturang
usapin.
Dahil dito,
nagpasa ang SB ng Baler ng isang resolusyon na may Bilang 137 Serye ng taong
2013, na “ang Sitio Buton ay bahagi ng Barangay Sabang. (Rey S. Fernando)
Comments
Post a Comment