Matapos ang
reklamong natanggap mula sa mga magulang hinggil sa mga may-ari o operator ng mga computer
shop sa bayan ng Baler, nais ipa rebisa ng sangguniang bayan members ang
ordinansa na nakakasakop dito hinggil sa
pagpataw ng kaukulang multa sa mga ito.
Base sa isinagawang
pagpupulong ng mga Sangguniang Bayan Members kasama ang ilang naimbitahang may-ari
ng mga computer shop, ilang Principal ng paaralan at PTA President, nais nilang
itaas ang parusa sa mga lumalabag dito dahil anila magaan lamang ito kaya
hanggang sa ngayon ay wala pa ni isang napapatawan ng parusa.
Ayon sa
panayam ng CMN News kay Baler Sangguniang Bayan Meber Gina Agapito, marami
parin sa mga ito ang tumatanggap ng mga estudyante kahit oras ng klase o kaya
ay naka uniporme pa. Dahil dito marami sa mga ito ang madalas lumiban sa oras
ng klase at nasisira ang pag-aaral.
Marami din sa
mga mamayan ang sumang-ayon dito kayat tanging panawagan nila sa mga magulang
ay pagtuunan at bigyang pansin ang bawat gagawin ng kanilang mga anak.
Comments
Post a Comment