Isinagawa kahapon ang ika-7 Kongreso ng Justice and Peace Action Group
ng Aurora, na isinagawa sa barangay Sabang, Baler, Aurora at ito ay dinaluhan
may 110 katao na lihitimong miyembro ng JPAG mula sa 10 chapter ng kanilang samahan
sa boong Aurora.
Ang naturang kongreso ay nasa ilalim ng paksang “Tatlong Dekadang
Pakikibaka ng JPAG-Aurora sa Pagtatanggol ng Karapatang Pantao: Ipagtanggol!
Ito ay naglalayong palakasin pa ang kakayanan ng JPAG para sa patuloy
na pagtataguyod ng karapatang pantao at makibahagi sa mga pagkilos sa
pagpapairal ng mabuting pamamahala sa mga pamayanan ng Aurora at sa Sambayanang
Pilipino sa kabuoang.
Partikular na layunin nito ay upang mapaunlad pa ang kakayahan ng
samahan para sa pagpapatuloy ng legal at para-legal na tulong ganoon din ang
pagpapalaganap ng paggalang sa karapatang pantao. Pagpapalakas ng alyansa na kikilos
tungo sa mabuting pamamahala para sa kagalingan ng mga taong bayan.
Bilang pakikiisa nagbigay naman ng pahayag suporta ang mga samahan ng
Panlalawigang Alyansa ng mga Magsasaka sa Aurora o PAMANA, Alternatibong
Kalusugan sa Pamayanan o AKAP at ang Bataris Formation Center.
Naging panauhing tagapagsalita naman si Pastor Betty Perado mula sa
Karapatan Central Luzon, tinalakay niya ang kalalagayan ng karapatang pantao sa
buong Central Luzon kasama na dito ang lalawigan ng Aurora mula sa mga
nakaraang administrasyon hanggang sa kasalukuyang administrasyon ni Pangulong
Benigno Aquino III. Madalas aniyang nayuyurakan ang karapatan sa lupa,
panirahan at kabuhayan ng mga magsasaka, mangingisda at katutubo ng mga
mayayamang angkan, korporasyon at mga development aggression project ng
pamahalaan.
Sa huling bahagi ng programa, ang paghahalal at panunumpa ng bagong
pamunuan ng samahan. Naihalal bilang Pangulo ng JPAG-Aurora si G. Eduardo
Pujeda, ikalawang Pangulo naman sa DiBiCaDi si G. Willie Guianan at sa Valley-Ding
naman ay si G. Bernardo Marino Sr. at ang General Secretary ay si Gng. Julieta
Salvador.
Comments
Post a Comment