Ilang lugar sa Brgy. Sabang, mahigpit na binabantayan ng baler PNP dahil sa sunod-sunod na naganap na kaguluhan at nakawan
Naghigpit pa
ang Baler-PNP sa ginagawa nitong pagbabantay sa Sitio Labasin, Brg.y Sabang,
Baler, Aurora, makaraan ang insidente ng nangyaring pagkaka paslang dito ng
isang binatilyo at base narin sa mga naitalang sunod-sunod na nakawan
partikular na sa mga madalas tuluyan ng mga bisitang nagtutungo sa lalawigan
upang mag bakasyon.
Sa panayam ng
CMN News sa Hepe ng Baler-PNP Rex Perocho, dinoble nila ang ginagawang pagpapatrolya
sa lugar lalo na sa gabi kung saan mas higit na maraming tao ang nagpupunta sa
lugar. Nagtalaga na rin ang hepe ng mga pulis suot lamang ang plain clothes
upang mag silbing mata sa nasabing lugar.
Ang Brgy
Sabang sa bayan ng Baler ay kilala bilang isa sa sentro ng turismo sa Aurora
kaya marapat lamang aniya na mas mabantayan ang kapayapaan at kaayusan dito
upang sa ganon ay mas marami pang turista foreign man o lokal ang mas mahikayat
na bumisita.
Comments
Post a Comment