Ilang opisyal sa tanggapan ng pampamilihang bayan ng Baler kasama ang supervisor, nagsagawa ng surprise visit sa mga nagtitinda
Nasorpresa ang
mga nagtitinda sa Pampamilihang Bayan ng Baler matapos na magsagawa ng surprise
visit ang supervisor ng Baler Public Market kasama ang ilang lokal na opisyal
noong Lunes partikular sa mga vendors sa wet section area.
Ito ay matapos
na makatanggap ng reklamo mula sa isang mamimili na di umanoy kulang sa timbang
ang nabili nitong produkto. Dahil dito agad na nagsagawa ng kaukulang aksyon
ang tanggapan.
Sa panayam ng
CMN News kay Ginoong Gilbert Serrano ng Baler public market office, base sa isinagawang
pag inspeksyon ay napag alaman nga na halos karamihan sa mga kilohan dito ay
may depekto na o intolerable. Kaya agad na pinaliwanagan ang mga nagtitinda at
nakuha nga sa mga ito ang may dalawamput dalawang (22) mga depektibong kilohan.
Samantala,
binigyang pansin din ng mga ito ang mga kilohan na nakatago at hindi nakikita
ng mga mamimili upang sa ganon ay agad na malaman kung sakto nga at walang daya
ang kanilang mga produktong bibilihin.
Payo naman
nila sa mga mamimili na tingnan mabuti ang kilohan ng pag bibilhan kung ito ba ay
may seal o sticker sa tagiliran, palatandaan na ito ay na inspeksyon na. Para
naman lubos na makasiguro, timbangin itong muli sa timbangan ng bayan na nakalagay
din sa lugar.
Comments
Post a Comment