Pagtatalaga ng mga Fire Cracker Zone para sa pagdiriwang ng kapaskuhan sa bayan ng Baler sinisimulan na ng PNP
Sinisimulan na
ng Baler-PNP sa pangunguna ng kanilang Hepe Rex Perocho ang pagtatalaga ng mga
fire cracker zone para sa pagdiriwang ng darating na kapaskuhan at pagsalubong
ng bagong taon.
Sa panayam ng
CMN News, makikipag ugnayan sila sa lahat ng mga kapitan ng bawat barangay
upang sila ang kanilang makatuwang sa pagpapatupad nito. Mag tatalaga naman ng
Information Desk Assistance para sa Oplan Iwas Paputok.
Dahil dito
pinapaalalahanan na nila ang publiko habang maaga na iwasan ang paggamit ng
malalakas na uri ng mga paputok sa pagsalubong ng pasko at bagong taon.
Katuwang ang BFP (Bureau of Fire Protection), ang sino man na mahulihan at
makitang magbebenta ng malalakas na uri ng paputok ay agad nila itong
kukumpiskahin.
Mahigpit rin naman
na ipinagbabawal sa lahat ng mga mamamayan ang pagpapaputok ng baril upang
makaiwas sa disgrasya at mga kasong dapat kaharapin ng sino mang lalabag dito.
Sa mga may
balak mag paputok, mungkahi ng ahensya na humanap na lamang ng safe at malawak
na lugar upang hindi makasakit at maiwasan ang sunog na dala ng mga fire
crackers.
Comments
Post a Comment