Matagumpay na naisagawa ang Participatory Climate Vulnerability
Assessment o PCVA sa Limang Barangay sa bayan ng Dinalungan nitong nakaraang buwan
ng Nobyembre.
Nag-umpisa ang PCVA Roll-out sa Brgy. Ditawini noong ika-11 ng
Nobyembre na sinundan naman agad ng Brgy. Abuleg, Brgy. Mapalad, Pobalacion
Zone II at Poblacion Zone I.
Ang PCVA Roll-out ay pinangunahan ng Save the Children CC-CBA Project,
trained Facilitators, mga BHW, BNS, Midwife at mga opisyales ng barangay.
Layunin ng PCVA na matulungan ang mga residente ng barangay na masuri
ang tunay na kalagayan ng kanilang komunidad pagdating sa mga sakuna
lalung-lalo na ang mga nasa baybaying dagat na madalas naapektuhan ng climate
related events katulad ng sea level rise o pagtaas ng tubig dagat at coral
bleaching na nakakaapekto naman sa huli ng mga mangingisda.
Mula sa ginawang pag-aaral, nakagawa ang mga trained facilitators,
BHWs, BNS at mga kagawad ng barangay ng maayos na historical map, transect map,
hazard map, calendar map at iba pa.
Comments
Post a Comment