12 anyos na lalaki, nabundol ng motorsiklo sa Bayan ng Dipaculao, nagtamo ng gasgas sa siko at tuhod

Nagtamo ng gasgas sa magkabilang siko at tuhod ang isang batang lalaki nang ito ay mabundol ng humahagibis na motorsiklo kahapon (Jan.21) sa Barangay Gupa, Dipaculao, Aurora.

Ang biktima ay si John Dave Echalar, 12 taong gulang at residente ng naturang Barangay.

Samantala ang nakabangga ay hindi naman nalaman ang pangalan ngunit ito di umano ay taga Barangay Ditale sa bayan din ng Dipaculao, nakuha naman ang plate No. ng motorsiklo nito na RL 5176.

Sa panayam sa telepono ng CMN News kay Kon. Aquino ng Gupa, pauwi na umano ang biktima buhat sa basketball court ng Barangay  pagsapit sa may over flow bigla umano itong nabundol.

Idinadaing ngayon ng biktima ang pananakit ng likod nito. Nananawagan naman ang lola ng biktima na sino man ang nakakakilala sa nakabondol sa bata ay mangyaring ipagbigay alam agad sa opisyal ng Barangay o sa mga otoridad, upang ito ay mapanagot sa aksidenteng kinasangkutan.

Ang pangyayari ay nakareport na sa pulisya. (Rey S. Fernando)