Banal na Misa sa Kapistahan ng Poong Nazareno sa Bayan ng Baler, Dinagsa ng mga deboto

Kailangang pasanin ang krus ng sino mang nais sumunod kay Kristo bilang mga Bininyagan, ito ang ipinayahag sa humiliya ni Rev. Fr. Sanny Quijada, Assistant Parish Priests ng San Luis Obispo Parish, Baler, Aurora kaninang (Enero 9) alas 3:00 ng hapon sa Banal na Misang isinagawa sa Kapistahan ng Itim na Poong Nazareno sa Simbahan ng Baler.

Ayon pa kay Fr. Quijada, napakasemple lamang ang ipinapaanyaya ni Kristo sa mga Binyagan, ang pagsunod sa kayan, dahil ang Diyos ang pag-ibig, ang sino mang umiibig sa kapwa ay siyang tunay na anak ng Diyos.

Dagdag pa ni Quijada, ang mga taong nagsasabi na mahal ko ang Diyos pero napupuot naman sa kanyang kapwa, may galit sa kanyang kapatid, maydala-dalang hinanakit sa kanyang puso at hindi marunong magmahal sa kanyang kapwa ay maituturing na sinungaling.

Matapos ang Banal na Misa ipronesisyon ang lahat ng Imahen ng Itim na Nazareno na dala-dala ng mga deboto sa sentrong Bayan ng Baler at muling ibinalik sa Simbahan at binasbasan. 

Ang Banal na Misa ay naisahimpapawid napakinggan din sa pamamagitan ng himpilan ng 101.7 Spirit FM CMN Baler sa pakikipagtulungan ng Rosie’s Batik Plus and General Merchandise. (Arnel M. Turzar)